(855) 023 928 789
English Chinese (Simplified)

Events

KW Cambodia របស់ឧកញ៉ាបណ្ឌិត គីម ហ៊ាង គ្រោងពង្រីកសាខាតាមបណ្តាខេត្តច្រើនទៀត នៅឆ្នាំ២០២៤

Keller Williams Cambodia (KW Cambodia) ដែល​មាន​លោក​ឧកញ៉ា​បណ្ឌិត គីម ហ៊ាង ជា​ប្រធាន​ស្ថាបនិក ​​គ្រោង​នឹង​ពង្រីក​សាខា​ជា​ច្រើន​​ទៀត នៅ​តាម​បណ្តា​រាជធានី ខេត្ត នៅ​ឆ្នាំ២០២៤ ខាង​មុខ​នេះ។

KW Cambodia គឺជា​អាជីវកម្មមួយ ដែល​លោក​ឧកញ៉ា គីម ហ៊ាង បាន​ចុះ​ហត្ថលេខា​ផ្តាច់មុខ រយៈពេល​២០​ឆ្នាំ បូក​២០​ឆ្នាំ ស្មើ​នឹង​៤០​ឆ្នាំ ហើយ​លោក​បាន​នាំ​យក​ក្រុមហ៊ុន​របស់​អាមេរិក​មួយ​នេះ មក​កម្ពុជា តាំងពី​ឆ្នាំ​២០១៨។ KW Cambodia មកពី​ពាក្យ​ពេញ Keller Williams Cambodia ដែល​ក្រុមហ៊ុន​អាមេរិក​ Keller Williams Realty International បង្កើត​ឡើង​ដំបូង​ កាល​ឆ្នាំ១៩៨៣ ជា​ក្រុមហ៊ុន​អចលនទ្រព្យ ប៉ុន្តែ​ក្រោយ​មក ក្រុមហ៊ុន​នេះ​បាន​កែ​ប្រែ​ពី​ក្រុមហ៊ុន​អចលនទ្រព្យ ទៅ​ជា​ក្រុមហ៊ុន​បច្ចេកវិទ្យា​ផ្នែក​អចលនទ្រព្យ​វិញ។ Keller Williams Realty មាននៅលើ ៥៥ប្រទេស ៥ទ្វីប ៣២៥ស្នាក់ការ​ និងមាន​ក្រុមការងារជិត ២សែននាក់ នៅ​ទូទាំង​ពិភពលោក។

បច្ចុប្បន្ន​ KW Cambodia មានសាខា និងអនុសាខា នៅរាជធានីភ្នំពេញ ខេត្ត​បាត់ដំបង សៀមរាប កំពង់ចាម ​ព្រះសីហនុ និង​ខេត្ត​កំពត។ សម្រាប់​លោកអ្នក ដែលចង់បើកសាខា KW Cambodia នៅ​តាម​បណ្តា​រាជធានី ខេត្ត ក្រុង ស្រុក ឬខណ្ឌ សូមអញ្ជើញទាក់ទងទៅ​ KW Cambodia។

លោក​ឧកញ៉ា បាន​បន្ថែម​ដូច្នេះ​ថា៖ ផែនការ​ដែល​បាន​ដាក់​ចេញ​ដោយ​សម្តេច​ធិបតី ជាផែនការ​ពង្រឹង​អ្វី​ដែល​មាន​ក្នុង​ស្រុក។ ជាក់ស្តែង ផែនការ​នេះ​ល្អ​ហើយ​ ប៉ុន្តែ​បើ​​​ចង់​បាន​ល្អ​ជាង​នេះ​ទៀត ​គឺ​ត្រូវ​​ជំរុញ​ការងារ​ខាង​ក្រៅ​ប្រទេស​ទៀត។ ការ​រកស៊ី​បច្ចុប្បន្ន​នេះ​ យើង​មិន​អាច​ចាំ​ឱ្យ​គេ​មក​នោះ​ទេ គួរ​តែ​យើង​ទៅ​គោះ​ទ្វារ​គេ​តែ​ម្តង។ ក្នុង​រយៈពេល​ជិត ៦​ខែ​ចុង​ក្រោយ​នេះ យើង​ឃើញ​ថា អ្វី​ដែល​សម្តេច​ធិបតី​​បាន​ធ្វើ​គឺ ធ្វើ​ទាំង​ក្នុង​ធ្វើ​ទាំង​ក្រៅ មានន័យ​ថា​ ទៅ​ស្រុក​ក្រៅ​ហៅ​គេ​មក​រកស៊ី​ ហើយ​ពង្រឹង​ការងារ​ក្នុង​ស្រុក ​គ្រាន់​តែ​ថា​យើង​​ត្រូវការ​ពេលវេលា។ ចំពោះ​​វិស័យ​​ដីធ្លី​​ អចលនទ្រព្យ​នៅខេត្ត​ព្រះសីហនុ គឺ​មាន​សភាព​ធ្ងន់ធ្ងរ ព្រោះ​មាន​បញ្ហា​​អគារ​​រាប់ពាន់។ សម្រាប់​យោបល់​ខ្ញុំ រដ្ឋ​បាន​ចេញ​មុខ​រួច​ហើយ ដូច្នេះ​វិស័យ​ឯកជន ត្រូវ​ទៅ​ក្រៅ​ទាំង​អស់​គ្នា​ ដើម្បី​ជួយ​ទាក់ទាញ​បរទេស​ឱ្យ​មក​វិនិយោគ​នៅ​ស្រុកខ្មែរ។

ចំពោះ​លោកអ្នក ដែលចង់ទិញ លក់ និងជួលអចលនទ្រព្យ នៅ ៥៥ប្រទេស ដែលមាន​ស្នាក់ការរបស់ KW ឬ​សមាជិក KW Cambodia គ្រប់លំដាប់ថ្នាក់ មកពីគ្រប់ស្នាក់ការ នៅទូទាំង​ប្រទេស​ ដែលចង់មាន​ទំនាក់ទំនង​ជាមួយសមាជិក មកពី KW ៥៤ប្រទេសផ្សេងទៀត ក៏​អាចទាក់ទង​ទៅ​កាន់​ KW Cambodia បាន៕

Source From: https://www.oknha.news/