(855) 023 928 789
ឧកញ៉ាបណ្ឌិត គីម ហ៊ាង អគ្គនាយកបុរី វិមានសំណាង កាលថ្ងៃទី៩ ខែកញ្ញា ឆ្នាំ២០២៤ បានប្រកាសរៀបចំ «ពានរង្វាន់បាល់ទាត់ វិមាន សំណាង លីគ (Vimean Samnang League) លើកទី១១ ឆ្នាំ២០២៤» ជាពានរង្វាន់កម្រិតពាក់កណ្តាលអាជីពធំជាងគេ និងមានអាយុកាលយូរជាងគេនៅកម្ពុជា ដែលមានឈ្មោះដំបូងថា Khmer Real Estate Cup តាំងពីឆ្នាំ២០១២។
លោកឧកញ៉ាបណ្ឌិត គីម ហ៊ាង បានលើកឡើងថា ពានរង្វាន់បាល់ទាត់ពាក់កណ្តាលអាជីព ដែលធំ និងមានអាយុកាលយូរជាងគេនៅកម្ពុជា បានត្រលប់មកវិញហើយ។
១.ពួកយើងបានដាក់ឈ្មោះពានថា Khmer Real Estate Cup នៅចន្លោះឆ្នាំ២០១២ ដល់ឆ្នាំ២០១៥ (៤ឆ្នាំជាប់គ្នា) ដោយសារម្ចាស់ឧបត្ថម្ភរបស់ពួកយើងជា Khmer Real Estate Co., Ltd។
២.ពួកយើងបានដាក់ឈ្មោះពានថា Khmer Real Estate League នៅចន្លោះឆ្នាំ២០១៦ ដល់ឆ្នាំ២០១៨ (៣ឆ្នាំជាប់គ្នា) ដោយសារម្ចាស់ឧបត្ថម្ភរបស់ពួកយើងជា Khmer Real Estate Co., Ltd។
៣.ពួកយើងបានដាក់ឈ្មោះពានថា KW Cambodia League នៅចន្លោះឆ្នាំ២០១៩ ឆ្នាំ២០២០ និងឆ្នាំ ២០២២ (៣ឆ្នាំ) ដោយសារម្ចាស់ឧបត្ថម្ភរបស់ពួកយើងជា KW Cambodia។
៤.ពួកយើងបានដាក់ឈ្មោះពានថា វិមាន សំណាង លីគ (Vimean Samnang League) លើកទី១១ នៅក្នុងឆ្នាំ ២០២៤ ដោយសារម្ចាស់ឧបត្ថម្ភរបស់ពួកយើងជា បុរី វិមានសំណាង។
៥.Khmer Real Estate Co., Ltd, KW Cambodia និងបុរី វិមានសំណាង សុទ្ធតែជាអាជីវកម្មរបស់លោកឧកញ៉ាបណ្ឌិត គីម ហ៊ាង។
សូមជម្រាបថា ពានរង្វាន់បាល់ទាត់ វិមាន សំណាង លីគ (Vimean Samnang League) លើកទី១១ ឆ្នាំ២០២៤ នឹងចាប់ផ្តើមការប្រកួតចាប់ពីថ្ងៃទី២ ខែវិច្ឆិកា ឆ្នាំ២០២៤ ខាងមុខនេះតទៅ។ ក្រុមដែលឈ្នះពានរង្វាន់លេខ១ នឹងទទួលបានពាន១ មេដាយមាស៣០ និងទឹកប្រាក់ ១២លានរៀល ខណៈដែលក្រុមលេខ២ បាន ៨លានរៀល និងក្រុមលេខ៣ បានទឹកប្រាក់ចំនួន ៤លានរៀល៕